ನೆಲೆಸು ನಿನ್ನಾತ್ಮದಲಿ ಅದುವೆ ನಿನ್ನ ನೈಜ ತಾಣ!

ಮಾಡು ಯೋಗದ ಚಿಂತನ ಲೋಕವಾಗಲಿ ಚೈತನ್ಯದ ಮನೆತನ

ಜೀವನವೆಂದರೆ ಅಮೃತಕ್ಕಾಗಿ ಮಂಥನ ಆ ಪ್ರಯತ್ನದಲಿ ಆಗದಿರಲಿ ಪತನ

ಬಾಳಿನಲಿ ಮೂಡಲಿ ಮಧುರ ಸವಿಗಾನ

ನೆನಪಿಸಲಿ ಅದು ಕವಿಗಳ ನವಿರಾದ ಸಿಹಿಗವನ - ೧

ಗೆಲುವಿಗೆ ಸತ್ ಸಂಕಲ್ಪಗಳ ಸಂಕಲನ, ನಿರಂತರ ಪ್ರಯತ್ನದ ಯೋಗದಾನ

ಮೌಢ್ಯದ ಮಾನಾಪಹರಣವೇ ನಿಜವಾದ ರಾಮಬಾಣ

ಬಾಳಿನಲಿ ಮೂಡಲಿ ಮಧುರ ಸವಿಗಾನ

ನೆನಪಿಸಲಿ ಅದು ಕವಿಗಳ ನವಿರಾದ ಸಿಹಿಗವನ - ೨

ಮನಸ್ಸೊಂದು ಕ್ರೀಡಾಂಗಣ ಅಲ್ಲಿ ಸರ್ವದಾ ದುಷ್ಟ-ಶಿಷ್ಟರ ರಣ

ದುಷ್ಟರ ಮಾರಣ ಶಿಷ್ಟರ ಸಂಭ್ರಮಾಚರಣೆಯೇ ಪೂರ್ಣತೆಯೆಡೆಗೆ ಜೀವನದ ಪಯಣ

ಬಾಳಿನಲಿ ಮೂಡಲಿ ಮಧುರ ಸವಿಗಾನ

ನೆನಪಿಸಲಿ ಅದು ಕವಿಗಳ ನವಿರಾದ ಸಿಹಿಗವನ - ೩

ನೆಲೆಸು ನಿನ್ನಾತ್ಮದಲಿ ಅದುವೆ ನಿನ್ನ ನೈಜ ತಾಣ

ಹಾದಿಹೋಗದು ಮನಸಿನಲಿ ಕಾಮಾಂಧತನ ಹಾಗೂ ಬೇಜವಾಬ್ದಾರಿತನ

ಬಾಳಿನಲಿ ಮೂಡಲಿ ಮಧುರ ಸವಿಗಾನ

ನೆನಪಿಸಲಿ ಅದು ಕವಿಗಳ ನವಿರಾದ ಸಿಹಿಗವನ - ೪